அழிக்கப்படும் புலிகள்

பாதுகாப்பு என்று கொலைசெய்யப்பட்ட புலிகள்

எனது பள்ளி பருவத்தில் கட்டுரை,பேச்சு போட்டி நடக்கும் போது அதில் அதிகமாக வரும் ஒரு தலைப்பு புலிகளை ஏன் பாதுகாக்க வேண்டும் அப்போது சமூக விழிப்புணர்வு என்பது எனக்கு கிடையாது. நாங்கள் அனைவரும் அதை ஒரு போட்டியாக மட்டுமே பார்த்தோம் அதில் இருக்கும் வார்த்தைகளின் முக்கியதுவத்தை அறியவில்லை. கல்லூரி படிக்கும் போது இந்த விடயத்தை பல பேர் சொல்லி அறிந்துள்ளேன் அப்போதும் பெரிய விழிப்புணர்வு இல்லை வெறும் செய்தியாகவே அறிந்தேன். கல்லூரி முடிந்த பின்பு சமூகத்தை பற்றி பல நண்பர்களுடனும்  பல புத்தகங்களை வாசிக்கும் போது சமூக விழிப்புணர்வு விதையில் இருந்து வரும் செடி போல துளிர் விட்டு முளைத்தது. முதலாளித்துவம் கல்வியில் புகுந்து நாம் பள்ளி கல்லூரிகளின்  பாடத்திற்கும் சமூகத்திற்கும் தொடர்பு இல்லாமல்  மாணவர்களின் மூலையை மந்தம் ஆக்கியது, அப்படி இருக்கும் போது பாடத்திற்கு வெளியில் இருந்து விழிப்புணர்வு ஏற்படுத்தினால் அதை மாணவன் ஒரு செய்தியாக மட்டுமே பார்ப்பான் என்பதை கற்று கொண்டேன். காடு-விலங்குகள்-மனிதன் இந்த மூன்றும் ஒன்றோடு ஒன்று  தொடர்புடையது என்பது அனைவரும் அறிந்ததே. இவை அனைத்தும் அனைவரும் பள்ளியில் படித்ததுதான் ஆனால் மதிப்பெண் எடுபதர்க்காகவே அனைவரும் கற்பிக்க பட்டுள்ளோம் அதனால் தான் அதனை உணர்வுபூர்வமாக உணர முடியவில்லை அடுத்த வகுப்பிலே அதனை மறந்தோம். உணவு சங்கலி,இயற்கை சங்கலி எதுவும் அறுபடாமல் இருந்தால்தான் மனித வாழ்வு சாத்தியம். அதில் ஏதேனும் ஒன்று அறுபட்டாலும் மனித வாழ்வுக்கு பெரிய ஆபத்து. ஆனால் அந்த சுழற்சியில் ஒரு பாகம் மட்டும் இல்லை ஒவ்வொரு பாகமும் கொடூரமாக அறுக்க படுகிறது முதலாளித்துவத்தின் லாபம் என்னும் கத்தியால்.பல  காடுகளையும் விலங்குகளையும் மனிதர்களையும் கொன்றது அந்த கத்தி. அதில் ஒரு பகுதியாக அந்த கத்தியால் கொலைசெய்யப்பட்ட புலியை பற்றியது தான் இந்த கட்டுரை.

புலிகளை பாதுக்காக வேண்டும் என்று விழிப்புணர்வு ஏற்படுத்துகின்ற அரசாங்கமே அதனை கொன்று மக்களை துயரத்தில் இருந்து காப்பற்றி விட்டோம் என மகிழ்ச்சியடைந்து ஊடகங்களில் கொண்டாடியது குழப்பமாக இருந்தது எனக்கு. ஊடகமோ  மனிதர்கள் இருக்கும் இடத்தில் புலி வந்து அவர்களை கொன்றது அதனால் அரசு மக்களை காப்பற்ற புலியை கொன்றது என செய்திகளை பரப்பின. இந்த கோமாளி தனத்தை பற்றி எங்கெல்ஸ் கூறியது நினைவிற்கு வருகிறது இயற்கையின் மீது மனித வெற்றிகளை வைத்துக் கொண்டு நம்மை நாம் அளவு கடந்து தற்புகழ்ச்சி செய்து கொள்ள வேண்டியதில்லை. ஏனெனில் இப்படிப்பட்ட வெற்றி ஒவொன்றுகும் இயற்கை நம்மைப் பழி வாங்குகிறது. ஒவ்வொரு வெற்றியும் முதலாவதாக நாம் எதிர்பார்கின்ற விளைவுகளை நிகழ்த்துகிறது என்பது உண்மையேயாயினும் இரண்டாவது,முன்றாவது நிலைகளாக நாம் எதிர்பார்க்காத,முற்றிலும் வேறுபட்ட நிலைகளாக நாம் எதிர்பார்க்காத, முற்றிலும் வேறு பலன்களையும் அளிக்கிறது; இவை பல தடவைகளில் முதலில் சொன்னதை ரத்து செய்து விடுகின்றன.”-எங்கெல்ஸ் (“மனிதக்குரங்கு மனிதனாக மாறிய இடைநிலைபடியில் உழைப்பின் பாத்திரம்” நூலிலிருந்து). ஒரு சாமான்ய மனிதனை ஊடகம் எப்படி மந்தையாக மாற்றுகிறது என்பதை அறிந்து எனது தேடலை அந்த விடயத்தில் தொடங்கினேன் பூவுலகு என்னும் இதழை வாசிக்கும் போது பல விடயம் புரிந்தது.

சங்கலிப் பிணைப்பில் எந்தவொரு கண்ணி அறுந்தாலும், அதன் பாதிப்பு மற்றொரு இடத்தில் கடுமையாக எதிரொளிக்கவே செய்யும். அதற்கான சாட்சி தான் தொட்டபெட்டாவில் சுட்டுக்கொல்ல பட்ட ஆண் புலி. புலிகளின் இருப்பிடமான காடுகளையும்,அதன் உணவுகளையும் அழித்துவிட்டு மனிதனுக்கும் விலங்கிற்கும் மோதலை ஏற்படுத்தி அவற்றை கொல்கிறது அரசு. இது ஒருபுறம் இருக்க புலிகளை பாதுகாப்போம் என்று காப்பகத்தை உருவாக்கி அங்கு வாழும் பழங்குடி மக்களை சட்டங்களை பின் பற்றாமல் கொடூரமாக விரட்டி அடிக்கிறது அரசாங்கம். முதலாளித்துவதிற்கு தேவை லாபம் மட்டுமே அதனால் தான் அரசாங்கத்தை வைத்து மக்களை காப்பாற்றுகிறோம் என்று புலியையும் புலியை காப்பாற்றுகிறோம் என்று மக்களையும் கொன்று லாபம் பார்கின்றன. இந்த கொடூரத்தை பற்றி முழுமையாக தெரிந்து கொள்ள எனது தேடலை அதிகமாக்கினேன் அப்போது ஒரு நண்பரின் மூலம் எனக்கு கிடைத்த புத்தகம் “கானுறை வேங்கை-கே.உல்லாஸ் கரந்த்”. இந்த புத்தகம் புலியின் தோற்றம்,வரலாறு நாம் ஏன் புலிகளை பாதுகாக்க வேண்டும், புலிகள் எப்படி அழிந்தது போன்ற பல  தகவல்களை இந்த புத்தகம் அறிவியல் பூர்வமாக அலசுகிறது. இந்த புத்தகம் புலியின் ஆராய்ச்சி புத்தகம் என்றே சொல்லலாம், அதிலிருந்து சில தகவல்களை வைத்து புலியின் அழிவை பற்றி பார்போம்.

download

புலியின் தோற்றம்

இந்த உலகத்தில் பாலூட்டிகள் 26 அலகுகளாக வகைபடுத்த பட்டுள்ளது. புலிகள் ஊனுன்ணிகள் வகையை சார்ந்தது இதில் புலி பூனை குடும்பத்தை சேர்ந்தது. பூனை குடும்பத்தினுள் புலி பாந்த்தீரா எனும் பேரினத்தைச் சேர்ந்தது. இவை உறுமும் பூனைகளாகும், மற்ற பூனைகளுக்கும் இதற்கும் உள்ள வேறுபாடு உறுமல் எழுப்ப உதவும் தொண்டையில் ஊசலாடிக் கொண்டிருக்கும் ஒரு எலும்பு.

இந்தியாவில் புலி தோன்றிய காலம்

இன்றைய இந்திய கண்டத்தில் ஏறத்தாழ 12000 ஆண்டுகளுக்கு முன்புதான் புலி குடியேறியிருக்க வேண்டும் இந்தயாவில் இருந்து ஆப்கானிஸ்தான் வழியாக ஆசியாவிற்கு பரவி இருக்க வேண்டும் என்று ஆய்வாளர்கள் கருதுகின்றார்கள்.

புலியின் வாழ்விடம்

35 டிகிரி செல்ஷியஸ் கடுங்குளிர் நிறைந்த தூரக் கிழக்கு ரஷ்யாவிலும் 48 டிகிரி செல்ஷியஸ் அனல் பறக்கும் இந்தியாவிலும் புலி வாழ்கிறது. 600 மில்லி மீட்டரே மழை பொழியும் காடுகளிலும் மற்றும் 10,000 மில்லி மீட்டர் மழை காடுகளிலும் புலி வசிக்கும்.

புலியின் இரை

புலியின் இரை கரையானிலிருந்து யானைக்கன்று வரை விரிந்தது, இருபினும் அவை பெரும் குளம்பிகளை (20 கிலோவிற்கு மேற்பட்ட) சார்ந்தே இருக்கின்றன, இவ்வகையான இரை விலங்குகள் இல்லாத இடத்தில் புலிகள் உயிர்வாழ இயலாது.

புலிகளுக்கும் மனித வாழ்விற்கும் உள்ள தொடர்பு

இன்றைய அன்றாட வாழ்விலேயே புலிகளின் உறைவிடங்கள் நமக்கு நன்மை பயகின்றன என்பதை நாம் உணர வேண்டும். வேங்கையின் வாழ்விடமான காடுகள்தான் கங்கை, பிரம்மபுத்திரா, ஐராவதி மற்றும் மீகாங் போன்ற நதிகளின் படுகைகளாகும். அது மட்டுமல்லாமல் வெள்ளப் பெருக்கை சீராக்கி மண்ணரிப்பையும் இந்தக் காடுகள் தடுக்கின்றன. இந்த நதிகளை நம்பி வாழும் லட்சக்கணக்கான விவசாயிகளுக்கு இக்காடுகளின் வளம் முக்கியமானது. இந்த ஒரு உதாரணம் போதும் புலிகளினால் ஏற்படும் நன்மையை புரிந்து கொள்ள,வேங்கை காடுகளை பாதுகாக்கின்றன அவை வாழ வேண்டும் என்றால் அதற்கான உணவு வேண்டும் அதற்கு காடுகள் மிகவும் அவசியம். இதிலிருந்து ஒன்றோடு ஒன்று தொடர்புடையது என்பது தெரிகிறது. தனது லாபத்திற்காக காடுகளை அழிப்பதும் அங்கு இருக்கின்ற விலங்குகளை அழிப்பதும் புலிக்கு இரை இல்லாமல் செய்து அதன் இனத்தை அழித்து கடைசியில் புலியையும் கொள்வது தான் முதலாளியத்தின் கொள்கை. சுழற்சியின் ஒரு பாகத்தை அழித்தாலே விளைவுகள் அதிகமாக வரும் இவர்கள் ஒவ்வொரு பாகத்தையும் இப்படிதான் அழிகிறார்கள் இதன் விளைவு கற்பனை செய்ய முடியாத அளவிற்கு உள்ளது.

Tigerarunachalstory

புலியின் அழிவு

புலி வாழும் நாடுகளில் அவைகளின் உறைவிடமான காட்டுப் பிரதேசம் ஐந்து விழுக்காடு நிலப்பரப்பு மட்டுமே. முண்ணூறு கோடி மக்கள் வாழும் ஆசிய கண்டத்தில் இந்த சிறிய நிலபரப்பை அழிபதனால் சாதித்து விட போவது ஒன்றும் இல்லை. புலி ஒரு நாளைக்கு 35 கிலோ இறைச்சி உண்ணும், இரைவிலங்கில் பத்து விழுக்காடு புலிக்கு இரையாகிறது, ஆண்டிற்கு 50 இரைவிலங்கில் புலிக்கு இரையாகும். குட்டி போடும் புலியாக இருந்தால் 70 இரைவிலங்கில் புலிகள் அடித்தாக வேண்டும். புலிக்கு இரையாகும் விலங்குகள் காடுகளை அழிப்பதனால் அழிந்து விடுகின்றன புலிகளும் உணவு இல்லாமல் அழிந்து விடுகிறது இருக்கும் புலிகளோ இரையை தேடி மனிதர் இருக்கும் இடத்திற்கு வருகிறது. இது புலியின் தவறு அல்ல காடுகளை அழித்தவர்களின் தவறு. 100 சதுர கிலோமீட்டர் காடுகளில் 8 முதல் 17 புலிகள் இருந்த இடத்தில் 2 அல்லது 3 தான் உள்ளன. புலிகளை இரண்டுவகையாக கொல்கின்றனர். காடுகளை அழித்து கொள்வதை பார்த்தோம் மற்றொன்று வேட்டை என்று ஆதிக்க சக்திகள் தங்கள் பொழுதுபோக்கிற்காக கொல்கின்றனர். புலியின் தோல், பற்கள் நல்ல சந்தையில் நல்ல விலை போகும் என்று கொடூரமான முறையில் அவற்றை கொல்கின்றனர். 1960 களில் ஒரு புதுவிதமான வேடைகாரர்கள் ஆசியாவில் தோன்றினர். புலி ஒன்றை எப்படியாவது சுட்டுவிட வேண்டும் என்று எண்ணிய வெளிநாட்டு செல்வந்தர்களை மனதில் கொண்டு, இந்தியாவிலும் நேபாளத்திலும், ஆப்பிரிக்காவில் இருப்பதுபோல, வேட்டைக்கான வசதிகள் செய்து தரக்கூடிய நிறுவனங்கள் பல தோன்றின. இவர்கள் அனைவரும் சேர்ந்து புலியை அழிவின் விளிம்பிற்கே கொண்டு சென்றார்கள். பல சுற்றுசுழல் ஆர்வலர்களின் கடின உழைப்பால் புலிகளை பாதுக்காக அரசால் சட்டம் ஏற்ற பட்டது. நமது நாட்டில் சட்டம் எழுத்து வடிவில் மட்டும் தான் இருக்கும் என்பதை நாம் அறிவோம். வேட்டையாடும் ஆதிக்க சக்திகளை ஒன்றும் செய்யாமல் இயற்கையோடும் விலங்குகளோடும் ஒன்றி வாழும் பழங்குடி மக்களை அவர்கள் இடத்தை விட்டு கொடூரமாக விரட்டுகிறது இந்த அரசு. விட்டில் ஒரு புலியை வளர்த்து கொஞ்சம் பெரிதான உடன் காட்டில் விடலாம் என்றால் எவ்வளவு முட்டாள்தனமாக இருக்குமோ அப்படித்தான் காப்பகத்தில் வளர்த்து காட்டில் விடலாம் என்ற அரசு கோரிக்கை. புலிகளை பாதுக்காக காடுகளை அழிக்காமல் செம்மை படுத்த வேண்டும். காடுகளை சார்ந்து வாழும் மக்களை எதுவும் செய்யாமல் இருந்தாலே போதும் அவர்கள் காடுகளை பாதுகாப்பார்கள். காடுகளையும் அழித்து, வேடைகாரர்களை காட்டிற்குள் நுழைய விட்டு, பழங்குடி மக்களை அங்கு இருந்து விரட்டிவிட்டு அனைத்தும் புலியின் பாதுகாப்பு என்று அரசு கூறுவது நகைமுரண். புலிகள் அழிவதற்கு பின்னால் முதலாளித்துவம், அதற்கு பணிந்து போகும் அரசாங்கம் இந்த உண்மைகளை மாணவர்களுக்கு பள்ளி கல்லூரியில்  சொல்ல வாய்ப்பே இல்லை அவர்களுக்கு ஏற்படுத்தப்படும் விழிப்புணர்வு அரசாங்கம் நலனுக்காகவும் முதலாளிகளின் நலனுக்காகவும் மட்டுமே இருக்கும் அதை விழிப்புணர்வு என்று சொல்வது சரியன வார்த்தை அல்ல.

Advertisements

One thought on “அழிக்கப்படும் புலிகள்

  1. If you want to know the crystal clear details it is better
    to view just about any online store web sites explaining the actual
    product or service information using elements.
    Individuals who have underlying medical condition should also consult a physician before taking this diet pill.
    Adiphene Weight Loss Supplements Offers a Unique 25%
    Discount n select package fr Online B Worldwide If the online critiques are something
    to go by, Adiphene is an efficient weight-loss option.

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s